رانا ثنا اللہ کی دھمکی: پاکستان تحریک انصاف والے اگر نومبر میں اسلام آباد آۓ تو اس بار ردعمل سخت ہوگا
تفصیلات کے مطابق گزشتہ روز بانی پی ٹی آئی عمران خان سے جیل میں ملاقات کے بعد نورین نیازی نے یہ کہا کہ تحریک کا اعلان ہوچکا ہے اور مناسب وقت میں بتا دیا جاۓ گا ،اس کے ردعمل میں میڈیا سے بات کرتے ہوۓ مشیر براۓ سیاسی امور رانا ثناءاللہ نےکہاکہ پی ٹی آئی اگر احتجاج کے لیے نومبر میں اسلام آباد آۓ گی تو جواب پہلے سے سخت ہوگا ۔
رانا ثنااللہ نے کہا کہ پی ٹی آئی کے لیے اس بار اٹک پل کراس کرنا بھی مشکل ہوگا، حکومت کسی دباؤ میں نہیں آۓ گی ۔ پچھلے احتجاجوں میں جو خامیاں رہیں ، انہیں اس بار مکمل طور پر دور کر دیا جاۓ گا۔
گزشتہ روز نورین نیازی کے اعلان کے بعد حکومت نے وفاقی پولیس ، رینجرز اور دیگر فورسز کی تعیناتی کا حکم دیا ہے،جبکہ چھٹیاں منسوخ کر دی گئیں ہیں ۔
