عمران خان سے ملاقات : نورین نیازی کا بڑا اعلان "تحریک کا اعلان ہوچکا ہے"، مناسب وقت پر تفصیلات جاری ہوں گی

 عمران خان سے ملاقات : نورین نیازی کا بڑا اعلان "تحریک کا اعلان ہوچکا ہے"، مناسب وقت پر تفصیلات جاری ہوں گی 

آج اڈیالہ جیل میں پاکستان تحریک انصاف (پی ٹی آئی) کے بانی عمران خان کی بہن نورین نیازی کی ملاقات ہوئی۔ ملاقات کے فوراً بعد صحافیوں سے گفتگو کرتے ہوئے نورین نیازی نے تحریک کے حوالے سے ایک اہم اعلان کیا: "تحریک کا اعلان ہو چکا ہے، جنہیں ہدایت دی گئی ہے وہ مناسب وقت پر تفصیلات جاری کریں گے۔

 اس نے بیان پی ٹی آئی کے کارکنوں میں نئی امنگ دی ہے ، خاص طور پر جب کہ پارٹی کو حالیہ برسوں میں سیاسی دباؤ اور قانونی چیلنجز کا سامنا ہے۔ یہ اعلان ایسے وقت میں سامنے آیا ہے جب عمران خان کی صحت اور جیل کی حالتوں پر بھی سوالات اٹھ رہے ہیں

 نورین نیازی نے اڈیالہ جیل انتظامیہ سے اجازت حاصل کرکے عمران خان سے ملاقات کی۔ یہ ملاقات تقریباً ایک گھنٹے سے زائد عرصے تک جاری رہی، جس میں سیاسی صورتحال، پارٹی کی حکمت عملی اور تحریک انصاف کی مستقبل کی راہ پر تفصیلی تبادلہ خیال کیا گیا۔  

 نورین نیازی نے میڈیا کو بتایا کہ بھائی کی صحت بالکل ٹھیک ہے، حالانکہ جیل کی حالتوں میں کچھ مسائل (جیسے پنکھے اور اے سی کی عدم دستیابی) موجود ہیں۔ انہوں نے جیل انتظامیہ پر الزام لگایا کہ بعض اوقات ملاقاتوں میں رکاوٹیں ڈالی جاتی ہیں، جو انسانی حقوق کی خلاف ورزی ہے۔

میڈیا نے جب تحریک سے متعلق سوال کیا تو نورین نیازی نے یہ کہا کہ تحریک کا اعلان ہوچکا ہے ، جنھیں ہدایت دی گئی ہے وہ مناسب وقت پر تفصیلات جاری کریں گے ۔